لا تجرح القلب يا الغالي على غفلة

لا تجرح القلب يا الغالي على غفلة
عطني خبر قبل جرحك يا نظر عيني

كـل المشاعر تنادي يا الغلا كلـه
يا فرحة ايام عمري وفرحة سنيني

جروحي اليوم ما زادت بي العلـه
حبيتك اكثر و تاهت بك عناوينـي

يا سيد الحب معصوماً عن الزلـه
ان كان قصدك جروحك جعلها فيني

تجيني الصبح بالفنجال و الدلــه
تمسي معي داخلي بقصى شراييني

من وين ما روح مرافقني بهالرحلة
من وين ما اسري بتفكيري تخاويني

ارجوك طمن حبيبي روحك الوجلـه
ما تدري ان ابتساماتك تواسينـي ؟

لا تذبح القلب يا الغالي على غفلـه
عطني خبر قبل تنوي يا نظر عيني



ارجو ان الموضوع ينال اعجابكم (تيتو)